نادرة جابر الغليسي

[الوعيلي]

سميت بالرحمن وأخسـي الشياطيـن=وأقول من غالي كلامـي لـي أبيـات
هضت المغانـي وأسمعـوا يامغنيـن=تصوخـوا ياهـل القلـوب الشقيـات
أفضيت من صدري كلام ظهر زيـن=سوالـف تحيـي القلـوب السنـيـات
أجيب طيب هرجتي وأرمـي الشيـن=ولا أقول هـرج الا بصـدق وثبـات
هيضت قـول يعجـب المستصيخيـن=سوالـف ماهـي ببعـض الهماجـات
يالله يامطلـوب يامـرقـب العـيـن=يالواحـد المعبـود خـلاق الايــات
ياللي نصب الأوتاد من بين الارضين=ياذا المعـارج رب سـب السمـاوات
يامن لـه الدنيـا والاعمـال والديـن=وله الاخـره فيهـا جحيـم وجنـات
يامغنـي الفقـرا وذخـر المساكيـن=يامن لهـا الكبـرى ولـه الالهيـات
ياللي خلقت البشر كلـه مـن الطيـن=عز الجلال اللي فرض خمسة أوقـات
أنـا بجاهـك يـاولـي مستعيـذيـن=في ماقف بين الغضـب والجهـالات
أحسـن عملنـا يارحيـم الرحيميـن=لي قسمت الاعمال حسنـى وسيـات
والطف بعبد سهـر والنـاس ممسيـن=متلجي لين أصبـح الصبـح مابـات
البارحـة ياحسيـن مانامـت العيـن=عفت الكرى وأربّـع الليـل ساعـات
هيض علي هرج لفى منـك ياحسيـن=في غـرة جمـادى لفـى بالمجـلات
جتنـا مراسيلـك وحـنـا مسـريـن=وزدنا بها ياحسيـن عـز وفرحـات
هـرج لفانـا يـازبـون المخلـيـن=وزدنـا وهلينـا بذيـك الـرسـالات
وقمنا بمقصودك على الخشم والعيـن=نمشي معك في المقديـه والخطيـات
قمنـا نـدور حاجتـك والله يعـيـن=نبغي الجمايل فيك ويموت من مـات
ياعيد اهـل هجـن جيـاع وعمسيـن=قدهي مـن الغربـه هـزال وونيـات
وله لابـة يـوم الملاقـى شجيعيـن=تظهر وقايعهـم لمـا جـا الملاقـات
في الصلح سمحين وفي الحرب ظفرين=وفعولهـم بيـن القبايـل طـريـات
هرجك لفتنـا بـه علـوم الطراشيـن=سوالـف فيهـا كثيـر المشـاكـات
فإن كان تشكي قومك الغرب ياحسيـن=فـإن القـروم مطوليـن المغـوبـات
وإن كان تشكي ياغناتي مـن الديـن=بعنـا مرازقنـا وجاتـك معـونـات
وإن كان تشكي بك رجـال مضديـن=بعنا عليك الروح بـاردى المبيعـات
والمبتلـي ماتنفعـه قـولـة اسـيـن=وكلمة الأسف مااحيت علي ميت مات
أقـول واعـزاه واسيـن ياحسـيـن=لي صار في قلبك من الحب وجعـات
الناس قبلك في هوى الحـب شاقيـن=كم واحد لحقه مـن الحـب لوعـات
أبكي لعـل بكـاك والنـاس ساليـن=وأسهرت من حولـي بكثـر التنهـات
وشقيت من مشقـاك بيـن المعاديـن=والا فانا مالي مـع النـاس حاجـات
فـلا تباطانـا فـلا حـن بمبطـيـن=لاهـي مـن عجـز ولاهـي بـذلات
ترثـة هشـام بالشجاعـة مسمـيـن=عاداتنا السبـال لـي جـا المريبـات
بهروجنا ياحسيـن ماحـن بعمسيـن=هروجنـا بيـن القبايـل طـروفـات
ورفيقنـا ياحسيـن نـدراه بالـزيـن=وحرابنـا نجعـل بكبـده مــرارات
نارد علـى الحـراب ورد المحيميـن=حنا هـل النامـوس وهـل الحميـات
لي هازنـا الحـراب ناتيـه عجليـن=نلطـم سداتـه باليديـن الجـريـات
لي جا البرى فالحرب فاحنا المصالين=ماننهزع لي جا من الحـف عيـلات
فالي دعـوا بالصلـح فحـن النقييـن=لي قالوا اين اهـل الوجيـه النقيـات
نرخص دبشنـا فالمواجيـب وانبيـن=نبغـى المدايـح مالنـا بالتـجـارات
نتبع طريـق العـز ماحـن بكسليـن=ولـي تصعـب ناصلـه بالعزامـات
أركبت ركب مـن ركـاب الملاعيـن=وفرقتهـا بيـن العـرب والقرانـات
واللي لفانـا جـا وحـن مستريحيـن=ثم أشتغلنـا نشتـري لـك نجوبـات
ثم أشترينا لك مـن المصـري ألفيـن=وألفين من عنـد السعـودي هديـات
وألفين نشريها مـن الـروس بالديـن=وألفين من عنـد المريكـان عـارات
وألف من اليابان وألف مـن الصيـن=متخيريـن فـي جميـع الصناعـات
والطيرجـيـه عنـدنـا مستعـديـن=وجاو المكانيكيـن وأهـل المظـلات
متعلمـيـن الكبـاتـن و بخـسـيـن=معلقـيـن بالمنـاكـب الاشــارات
طـارت وطيرنـا عليهـا ملايـيـن=متولمـيـن فوقـهـا بالـقـلـولات
هـي مستتمـات وهــم مستتمـيـن=من حاربوا حطـوا ديـاره خرابـات
أسترخصوا منـا وطـاروا سريعيـن=وراحوا وحن ندعي لهـم بالسلامـات
راحت تدور حاجتـك عنـد لقصيـن=وتنشد علي الادنيـن عنـد النكوفـات
تجمع بنات الحضر والبدو فـي حيـن=أهل البحـر والبـر والنـوق والشـاة
وتجمع بنات الكفـر هـم والمصليـن=ياتون توك في ضحى العيـد صفـات
البيض مثل الشقـح فـوق المعاطيـن=لي سمعت السقاي يرفـع بالاصـوات
والحمـر صـف يغلطـون المقريـن=مثل المها لانس من الحـس نغمـات
والخضر صف يذبحـون المشقويـن=لي شافهم راع الهوى ذا ب ثم مـات
أصفهـم تـوك وتشتـاف بالعـيـن=تاخـذ وليفـك بالعـيـو الحبيـبـات
تختـار فيهـم والقبـايـل مشنـيـن=ما ينطحونك ونهـم عشـر ساعـات
وصلوا على المذكـور سيـد النبييـن=الهاشمـي اللـي طلـع بالـرسـالات