your addicted
15-08-2005, 09:42 PM
أعزائي
هذه قصيده للشاعر المبدع حامد زيد ..أعجبتني واتمنى ان تعجبكم
بوقت من البطا وبليل تتراقص شياطينه
بعد شفت الضيا ينزع من ثياب المسا ثلثين
تحايلت المنام الي مثل بيتك تمرينه
وانا اللي من تفارقنا وانا ما غمضت لي عين
غريبه كل حلمي مر في رقادي تزورينه
والاغرب كيف اشوف الحلم ,وارجع واحلمه بعدين؟
قبل يومين , شفتك بالمنام وقمت من حينه!
ونمت امس, ورجع نفس المنام اللي قبل يومين
انا اللي قبل اسافر شلت قلبي من شرايينه
تركته في يدك مثل الامانه, واحفظيها زين
ترى حفظ الامانه دين مجبورة تردينه
اجل, ما في احد قد قال لك(حفظ الامانه دين)؟
مرد المقفي بيلفي بيستوفي, وتوفينه
بعد ليله,ثلاثه,اربعه,عشره ، شهر ، شهرين
اذا انتي ماانتي بقد الكلام الي تقولينه
حرام .. استامنك حاجه, واذا جيت اطلبك تنسين
تخونيني,وتبيني ارضى!! واحد يرضى تخونينه؟؟
انا لا جيت اخونك,مع حبيبه ثانيه,(ترضين)؟؟
من اول ما رجعت من السفر ما شفت لك بينه!
وانا اللي كنت احسبك قبل ادوس ارض المطار تجين
تكونين انتي اول شخص عيني تحتضن عينه
وكنت اتخيلك من زود فرحة رجعتي..تبكين
وأشوف بدمعتك حكيك .. وأعرفه قبل تحكينه
واجيب أحلى من اللي بتحكينه ، وأتركك تحكين
تقولين : الوطن نور وأقول بنور مضوينه
تقولي لي : غديت أحلى وأقول : عيونك الحلوين
كلام نام بشفاهك وخفتي لا تصيحينه
ذخرتيه لغرام للي ينام ويترك تصحين
تغانمتي غيابي .. لين رجحتي موازينه
تعلم من يدك لمس الكفوف وعلمك تجفين
وليتك لاقيه به شي .. فيني ما تلاقينه
ماهو بغرور..لكن خابرك مالك امل تلقين
تغافلك بغلا..والإ الحلا مهو بمن زينه!!
تزينه الصور ..بس الصحيح ابن الحلال زوين
وانا ماني بناقص عنه يوم انك تبدينه
نصيبي هو نصيبي لو يسددها من الصوبين
قنوع بمظهري..والسم ما يذبح ثعابينه
على قول المثل (ماني حلو..لكن ماني بشين)!
اذا اهداك الزهر مره .. فانا اهديتك بساتينه
واذا الهاك ابفرح ليله,فانا تهت لبكاك اسنين
وإذا استضعفتك أملاكه ... وشتتك ملايينه
انا حتى فتات الخبزة أقسمها معك نصين
طموحي ,بس اجي واظفر بشي تستحقينه
تدينته, تسلفته, سرقته, مو مهم منين؟
كأني من كثر ماارضى بكل اللي تمنينه
لو انك تطلبين الله .. يعنيني، بقول آمين
انا ملعب على الحبلين وقت الطيش وسنينه
تبين الحين يوم اني كبرت العب على الحبلين؟!؟
ترى عند البدو بالذات (عيب اللي تسوينه)!!
حلاتك لاعشقتيني تعشقيني ليوم الدين
غرامٍ نسكن ضلوعه حشيمه من مجانينه
جفا،يجمع معزتنا ولاعشق يذل اثنين
كثار اللي تحدوني وقالو لي تحبينه
امانه.. لا تخليني صغير بعينهم (تكفين)!
لاني كل ما قالو(تخون) ..اقول (مسكينه)
عليك الله وأمانه علميهم منهو المسكين
أنا خايف ليا طاح الجمل تكثر سكاكينه
وأنا ماعادت ضلوعي مكان لطعنة السكين
مثل ما قالو (المكتوب واضح من عناوينه)
لو ارحل منك للغربه بسافر من ظلامك وين؟
كفايه كل حلمي مر في رقادي تزورينه
كفاية من تفارقنا..وأنا ماغمضت لي عين
قبل يومين شفتك بالمنام وقمت من حينه
ونمت أمس ورجع نفس المنام اللي قبل يومين
هذه قصيده للشاعر المبدع حامد زيد ..أعجبتني واتمنى ان تعجبكم
بوقت من البطا وبليل تتراقص شياطينه
بعد شفت الضيا ينزع من ثياب المسا ثلثين
تحايلت المنام الي مثل بيتك تمرينه
وانا اللي من تفارقنا وانا ما غمضت لي عين
غريبه كل حلمي مر في رقادي تزورينه
والاغرب كيف اشوف الحلم ,وارجع واحلمه بعدين؟
قبل يومين , شفتك بالمنام وقمت من حينه!
ونمت امس, ورجع نفس المنام اللي قبل يومين
انا اللي قبل اسافر شلت قلبي من شرايينه
تركته في يدك مثل الامانه, واحفظيها زين
ترى حفظ الامانه دين مجبورة تردينه
اجل, ما في احد قد قال لك(حفظ الامانه دين)؟
مرد المقفي بيلفي بيستوفي, وتوفينه
بعد ليله,ثلاثه,اربعه,عشره ، شهر ، شهرين
اذا انتي ماانتي بقد الكلام الي تقولينه
حرام .. استامنك حاجه, واذا جيت اطلبك تنسين
تخونيني,وتبيني ارضى!! واحد يرضى تخونينه؟؟
انا لا جيت اخونك,مع حبيبه ثانيه,(ترضين)؟؟
من اول ما رجعت من السفر ما شفت لك بينه!
وانا اللي كنت احسبك قبل ادوس ارض المطار تجين
تكونين انتي اول شخص عيني تحتضن عينه
وكنت اتخيلك من زود فرحة رجعتي..تبكين
وأشوف بدمعتك حكيك .. وأعرفه قبل تحكينه
واجيب أحلى من اللي بتحكينه ، وأتركك تحكين
تقولين : الوطن نور وأقول بنور مضوينه
تقولي لي : غديت أحلى وأقول : عيونك الحلوين
كلام نام بشفاهك وخفتي لا تصيحينه
ذخرتيه لغرام للي ينام ويترك تصحين
تغانمتي غيابي .. لين رجحتي موازينه
تعلم من يدك لمس الكفوف وعلمك تجفين
وليتك لاقيه به شي .. فيني ما تلاقينه
ماهو بغرور..لكن خابرك مالك امل تلقين
تغافلك بغلا..والإ الحلا مهو بمن زينه!!
تزينه الصور ..بس الصحيح ابن الحلال زوين
وانا ماني بناقص عنه يوم انك تبدينه
نصيبي هو نصيبي لو يسددها من الصوبين
قنوع بمظهري..والسم ما يذبح ثعابينه
على قول المثل (ماني حلو..لكن ماني بشين)!
اذا اهداك الزهر مره .. فانا اهديتك بساتينه
واذا الهاك ابفرح ليله,فانا تهت لبكاك اسنين
وإذا استضعفتك أملاكه ... وشتتك ملايينه
انا حتى فتات الخبزة أقسمها معك نصين
طموحي ,بس اجي واظفر بشي تستحقينه
تدينته, تسلفته, سرقته, مو مهم منين؟
كأني من كثر ماارضى بكل اللي تمنينه
لو انك تطلبين الله .. يعنيني، بقول آمين
انا ملعب على الحبلين وقت الطيش وسنينه
تبين الحين يوم اني كبرت العب على الحبلين؟!؟
ترى عند البدو بالذات (عيب اللي تسوينه)!!
حلاتك لاعشقتيني تعشقيني ليوم الدين
غرامٍ نسكن ضلوعه حشيمه من مجانينه
جفا،يجمع معزتنا ولاعشق يذل اثنين
كثار اللي تحدوني وقالو لي تحبينه
امانه.. لا تخليني صغير بعينهم (تكفين)!
لاني كل ما قالو(تخون) ..اقول (مسكينه)
عليك الله وأمانه علميهم منهو المسكين
أنا خايف ليا طاح الجمل تكثر سكاكينه
وأنا ماعادت ضلوعي مكان لطعنة السكين
مثل ما قالو (المكتوب واضح من عناوينه)
لو ارحل منك للغربه بسافر من ظلامك وين؟
كفايه كل حلمي مر في رقادي تزورينه
كفاية من تفارقنا..وأنا ماغمضت لي عين
قبل يومين شفتك بالمنام وقمت من حينه
ونمت أمس ورجع نفس المنام اللي قبل يومين