الوعيلي
22-07-2005, 05:30 PM
كان الشاعرالأبيات يحب فتاة في دياره بالشمال ولم يحصل النصيب بينهم وتزوجت البنت من واحد ثاني وسافرت وكان الشاعر يحبها حب خيالي وبعد ثمان سنوات كان الشاعر يعمل مدرسا وجاءه نقل اجباري لمنطقه بعيدة الظاهر في الجنوب ويوم داوم اول يوم في المدرسه وكانت ابتدائي شاف بين الاطفال طفل غريب يحس بشي يجذبه له ، بعد ملاحظته إبتسامة الطفل ناداه المدرس وقال له انت ولد فلان ؟ قال له نعم ولد فلان ، قال له :امك فلانه ؟ قال الطفل :نعم..... سكت المدرس وكتب القصيدة ، ليأخذها الطفل لأمه.
غابت ثمان سنيـن حل(ن) وترحـال = غابـت ثمـان كلـهـا مدلهمه
قضيتها بالحـب والشـوق رحال = شوق(ن) تحدى كـل ياسـه وهمه
سألت عنهاا سنين وشهـور وليال = ولا فيـه فج(ن) غيـر وجهـت يمـه
وعقب الثمان اللي تعبها برى الحـال = جاب الزمـان الكارثـه والمطمه
جاني ولدها مبتسـم بيـن الاطفال = ومن بسمته ذكرت انا بسمـة امه
شفته وصاحت بداخلي كـل الامـال = بصوت(ن) عجزت بكتم الانفاس المه
وركضت له دمعي عل الخد منهال = ومن كثر شوقي قمت بالحيل اضمـه
ولحضة حضنته والطفل في يدي مال = شميت ريحتها على اطـراف كمه
واستلهمت نفسي مقاديـر الاهوال = وتم الضيـاع واكـدت لـي متمه
ليت الغياب اللي شغل غربتي طـال = ولادور العاشق علـى حـرق دمه
واليوم بنت الناس فـي بيـت رجـال = وحب على غير الشرف لـي مذمه
مجبور اعود واشتكي كل الأميال = بنفس(ن) حزينـه هايمه مستهـمـه
برجع غريب(ن) سكته بر ورمال = يمـوت يحيـا ينـدفـن مايهمه
للشاعر محمد البلاهدي الحارثي
غابت ثمان سنيـن حل(ن) وترحـال = غابـت ثمـان كلـهـا مدلهمه
قضيتها بالحـب والشـوق رحال = شوق(ن) تحدى كـل ياسـه وهمه
سألت عنهاا سنين وشهـور وليال = ولا فيـه فج(ن) غيـر وجهـت يمـه
وعقب الثمان اللي تعبها برى الحـال = جاب الزمـان الكارثـه والمطمه
جاني ولدها مبتسـم بيـن الاطفال = ومن بسمته ذكرت انا بسمـة امه
شفته وصاحت بداخلي كـل الامـال = بصوت(ن) عجزت بكتم الانفاس المه
وركضت له دمعي عل الخد منهال = ومن كثر شوقي قمت بالحيل اضمـه
ولحضة حضنته والطفل في يدي مال = شميت ريحتها على اطـراف كمه
واستلهمت نفسي مقاديـر الاهوال = وتم الضيـاع واكـدت لـي متمه
ليت الغياب اللي شغل غربتي طـال = ولادور العاشق علـى حـرق دمه
واليوم بنت الناس فـي بيـت رجـال = وحب على غير الشرف لـي مذمه
مجبور اعود واشتكي كل الأميال = بنفس(ن) حزينـه هايمه مستهـمـه
برجع غريب(ن) سكته بر ورمال = يمـوت يحيـا ينـدفـن مايهمه
للشاعر محمد البلاهدي الحارثي