يا راكب اللي كن سلفه ليا نيـش للشاعر بندر بن سرور

[الوعيلي]

السلام عليكم ورحمة الله وبركاته
هذه قصيدة للشاعر بندر بن سرور القسامي العتيبي لم تدون من قبل , وقد رواها الشاعر خلف المحدى , وكانت القصيدة مرسله للشيخ متعب بن محروت الهذال , شيخ مشايخ قبيلة عنزة , وهذه القصيدة لها مايقارب الأربعين عاماً , بسبب موقف معين حدث للشاعر , وقال في هذا الموقف هذه القصيدة :

يا راكب اللي كن سلفه ليا نيـش=مثل المحاله يوم يمـرس رشاهـا

يلحق فروخ مصخرات ابرق الريش=شقر الحرار اللي عزيـز غذاهـا

عده لابن هذال ريـف الهتاتيـش=ليا زارها الطرقي همومه نساهـا

قل له يحـل الكايـدات المباليـش=اللي عسرني حلهـا مـن غثاهـا

أصبحت بالدنيـا كثيـر التباليـش=وازريت اميز وجهها مـن قفاهـا

يوم توردنـا الديـار المعاطيـش=ويوم توردنـا علـى بـرد ماهـا

المصدر:
جريدة الجزيرة
العدد: 11974الأثنين 05 جمادى الثانية 1426

[كاتم الأحزان]

بسم الله الرحمن الرحيم

السلام عليكم ورحمة الله وبركاته


الأخ العزيز : الوعيلي

بيض الله وجهك على نقل هذه الأبيات والتي كنت أتمنى أنها أكثر من كذا ولكن فعلا كانت لها قافية و ألحان جميلة جدا

وهذا الشاعر الذي نقلت له هذه القصيدة شاعر معروف وله ثقله الكبير في قبيلته و يعد الشاعر واحداً من اشهر شعراء العامية في عصرنا الماضي و الحاضر رحمه الله،


وهذا الشاعر تحضرني له قصيدة رائعة قالها وهي قصه الشاعر المرحوم بندر بن سرور العتيبي عندما ضاقت عليه الدنيا ذهب الى احد اقربائه فقابلته عند الباب زوجته فقالت له ماذا تريد بزوجي يا مجنون . لأنها رأت حالته وكأنه مجنون فرد عليها الشاعر بند بن سرور بهذه الابيات


يابنت انا جني طويلات الاشبار =حر سلايل حر ماني بمجنون
يوم اسجد الغفلات خوف من النار=اللي عيال البوم فيها يطيحون
ياسهيف الذرعان ويلك من النار=حتيش لو لعنت ماني بملعون
هفي وانا بندر وتلقين الاشرار =عيال النجوس تصد عن خالق الكون
اللي ليا قلتي لهم ترا الرب غفار =ملتي لهم وهم لقولك يميلون
يابنت انا ادريبه لطيف وجبار =وادري بهذي حجه اللي يخسرون
ياما دعيته مخلص سر وجهار =واسر قله الطاعه ماابا الناس يدرون
شكرا لك أخي الوعيلي ولا عدمناك

كاتم الأحزان

[صمـتـ الغــروبــ]

فعلا لا عدمناك يا وعيلي


يعجبني فيك اختيارك للقصائد القريبه الي القلب


كلعاده موفق بأذن الله


تحياتي

[الوعيلي]

الأخوة الأعزاء
الأخ كاتم والأخ صمت

يشرفني ويسعدني تواجدكم ومروركم وأسأل الله لكم التوفيق والسداد

[المغوار]

يعطيكم العافيه علي هالمجهود

[المخلص]

السلام عليكم ورحمة الله وبركاته
صح السان من قال

والله يعطيك ألف عافيه على النقل وشكراً ودوماً إلى الأمام......[i]